Masjid agung Garut perenahna aya di Jl. Ahamd Yani Garut kuloneun Alun-alun Garut .Nempatan lahan nu legana 4.480 m2.Ieu masjid jadi masjid utama di kabupatén Garut sarta puseur sagala kagiatan kaagamaan,Baheula antara masjid jeung alun-alun téh dipisahkeun ku jalan Alun-alun Barat,Kiwari ieu jalan dileungitkeun nepi ka masjid téh ngahiji jeung alun-alun
Sajarah
Pangwangunan masjid agung Garut raket patalina jeung pangwangunan kabupatén Garut ,umutkeun catetan sajarah, dina tanggal 15 Séptémber 1813 mimiti diwangun sarana jeung prasarana ibukota nya éta pendopo, kantor asistén résidén, masjid, pangbérokan, jeungalun-alun.Tapi upama nilik kana nisan kuburan nu aya di gigireun masjid agung, bisa waé ieu masjid téh diwangun dina taun 1809atawa taun saméméhnaLantaran didinya kapanggih angka taun 1809.[2] Aya tradisi mangsa harita yén nu ngaranna kuburan pasti dijieun deukeut jeung masjid atawa sabudeureun buruan masjid saperti masjid-masjid di Jawa kayaning masjid agung di Demak jeungBanten.Taun 1875 suhunan masjid agung Garut wangunna nyungcung, ampir sarua jeung masjid-masjid di Priangan .
Bédana téh aya dina proporsi suhunanana nu katingali leuwih gedé tur jangkung . Sasaruanana bisa dititénan tina tihang-tihang nu aya di hareupeun masjid sarta di beulah kénca katuhuen masjid . Numutkeun catetan di sekretariat DKM Masjid Agung, parobahan signifikan ieu masjid aya dina taun 1979 dimana suhunan nu tadina nyungcung diganti ku kubah maké plat beton . Wangun kubah ieu dirobah deui dina taun 1981 jadi wangun kopéah kalawan hateup séng gelombang. Pamungkas, ieu masjid direnovasi sacara gembleng tanggal 10 November 1994 tur anggeus tanggal 25 Agustus taun 1998 . Dina renovasi nu pamungkas ieu ogé sakalian bari ngarobah arah kiblat nu dibantuan ku ahli géodési ti ITB ngagunakeun GPS .
0 komentar:
Posting Komentar